Հայաստանում վերջին քառորդ դարի ընթացքում գործող Armenia Tree Project՝ Հայաստան Ծառատունկ Ծրագրի համար 2019-ը կարևորագույն հանգրվան էր, «Ամերիկայի Ձայն»-ին պատմել է ծրագրի գործադիր տնօրեն Ջեանմարի Պապելյանը. «Սկսելով մեր աշխատանքները 1994-ին, մենք ընդհանուր առմամբ 6 միլիոն ծառ տնկեցինք Հայաստանում և Արցախում: Մեզ հաջողվեց նոր աշխատատեղեր ստեղծել, նոր կյանք հաղորդել Հայաստանի բազմաթիվ համայնքներին»: Հայաստան — ծառատունկ ծրագրի հիմնադիրն է Բոստոնում բնակվող հայազգի հայտնի բարերար Քարոլին Մուգարը, ով 1992-ին Հայաստան ժամանելով, ականատեսն եղավ, թե ինչպես էին տներում տաքություն ապահովելու համար շրջափակման մեջ գտնվող Հայաստանի բնակիչները ստիպված ծառեր հատում: Մարդկանց անհրաժեշտ էր հույս տալ, հույս՝ դեպի ապագա: Այսօր Հայաստան Ծառատունկ Ծրագիրն իր ոլորտում գործող առավել հայտնի բարեգործական կազմակերպությունն է, որն աշխատատեղերով է ապահովում Հայաստանի տասնյակ քաղաքացիների և օգնում տարածել շրջակա միջավայրի մասին գիտելիքները հայ մանուկների շրջանում: Կազմակերպությունը նախատեսում է նաև ակտիվ մասնակցություն ունենալ Հայաստանի կառավարության հավակնոտ ծրագրում: «Քանի որ հաջորդ 30 տարիների ընթացքում Հայաստանը նախատեսում է կրկնապատկել իր անտառածածկ մակերեսը, Հայաստան — ծառատունկ ծրագիրը նախատեսում է ավելացնել տնկիների արտադրությունը, որպեսզի կարողանանք նպաստել այդ ծրագրին՝ տրամադրելով ծառատեսակների բազմազանություն: Այսօր Հայաստանում մենք ունենք 4 տնկարաններ, որտեղ աճեցնում ենք 50 տեսակից ավելի տնկիներ»: Հայաստանի կառավարության նախաձեռնած ծրագրի շրջանակներում միայն 2020-ին անհրաժեշտ կլինի շուրջ 10 միլիոն ծառ տնկել, հիշեցնում է Armenia Tree Project կազմակերպության ծրագրերի համակարգող Արթուր Հարությունյանը: Նրա խոսքով, չնայած դժվարություններին, սա մարտահրավեր է, որը Հայաստանն ի վիճակի է իրականացնել. «10 միլիոն ծառ տնկելն այնքան հեշտ չէ: Բավականին ծանր աշխատանք է սպասվում և պետք է կարողանալ ներգրավել ամբողջ բնակչությանը, տարածքների ճիշտ ընտրություն պետք է կատարվի, որպեսզի ճիշտ տնկիները ճիշտ տեղում տնկվեն և հետագա խնամքի հարցեր առաջանալիս մենք կորուստներ չունենանք. Ծառ տնկելն ամենահեշտ բանն է, հետագա խնամքն է ամենադժվարը»: Հայաստան Ծառատունկ Ծրագիրը պատրաստ է իր փորձառության և ուժերի ամբողջ ծավալով օգնել կառավարությանն իրականացնել նախաձեռնությունը, նշում է Հարությունյանն, ընդգծելով՝ հատկապես, որ «Թավշյա հեղափոխությունից» հետո իշխանության եկած նոր կառավարության հետ աշխատանքն է՛լ ավելի դյուրին ու արագ է ընթանում:
Related Articles
ԴԱՏԱԿԱՆ ԿԱՐԳԱԴՐԻՉՆԵՐԻ ԾԱՌԱՅՈՒԹՅԱՆ ՊԵՏ ՌՈԲԵՐՏ ՂԱԶԱՐՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՀԱՐԿԱԴԻՐ ԿԱՏԱՐՈՒՄՆ ԱՊԱՀՈՎՈՂ ԾԱՌԱՅՈՒԹՅԱՆ ԿԱԶՄԱՎՈՐՄԱՆ 22 ԱՄՅԱԿԻ ԱՌԹԻՎ
ԴԱՏԱԿԱՆ ԿԱՐԳԱԴՐԻՉՆԵՐԻ ԾԱՌԱՅՈՒԹՅԱՆ ՊԵՏ ՌՈԲԵՐՏ ՂԱԶԱՐՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՀԱՐԿԱԴԻՐ ԿԱՏԱՐՈՒՄՆ ԱՊԱՀՈՎՈՂ ԾԱՌԱՅՈՒԹՅԱՆ ԿԱԶՄԱՎՈՐՄԱՆ 22 ԱՄՅԱԿԻ ԱՌԹԻՎ x Հարկադիր կատարումն ապահովող ծառայության սիրելի՛ աշխատակիցներ և վետերաններ, ի սրտե շնորհավորում եմ ձեզ մասնագիտական տոնի առթիվ, տոն, որը ևս մեկ առիթ է՝ արժևորելու անցած ուղին, անդրադառնալու կատարված աշխատանքներին ու հետագա անելիքներին: Ինչ խոսք, Ծառայության առջև դրված խնդիրները պատասխանատու […]
ԱԺ ՀՀԿ խմբակցության նախկին պատգամավոր, նախկին գլխավոր դատախազ Գեւորգ Կոստանյանը Մարտի 1-ի գործով ներգրավվել է որպես մեղադրյալ
ԱԺ ՀՀԿ խմբակցության նախկին պատգամավոր, նախկին գլխավոր դատախազ Գեւորգ Կոստանյանը Մարտի 1-ի գործով ներգրավվել է որպես մեղադրյալ: Այս մասին ասաց ՀՀ հատուկ քննչական ծառայության մամուլի քարտուղար Մարինա Օջանյանյանը: x «Գեւորգ Կոստանյանին որպես մեղադրյալ ներգրավելու որոշում է կայացվել, եւ ՀՀ քրեական դատավարության օրենսգրքի 203֊րդ հոդվածի 1֊ին մասի կարգով նրան առաջարկվել է 48 ժամվա ընթացքում ներկայանալ վարույթն […]
Նիկոլ Փաշինյանը նոր նշանակում է արել.
ՀՀ վարչապետ Նիկոլ Փաշինյանի որոշմամբ, Արմինե Պետրոսյանը նշանակվել է վարչապետի աշխատակազմի անվտանգության խորհրդի գրասենյակի քաղաքական, սոցիալական և տնտեսական անվտանգության վարչության սոցիալ-տնտեսական քաղաքականության բաժնի պետ: x Որոշման մեջ, մասնավորապես, ասվում է. «Ղեկավարվելով «Քաղաքացիական ծառայության մասին» Հայաստանի Հանրապետության օրենքի 10-րդ հոդվածի 16-րդ մասով, 16-րդ հոդվածի 3-րդ մասով, 17-րդ հոդվածի 1-ին մասի 1-ին կետով և հիմք ընդունելով Հայաստանի […]