ԱՄՆ իշխանությունները հրապարակայնորեն չեն հայտարարում Իրանի միջուկային ծրագրի վերաբերյալ Գործողությունների համատեղ համապարփակ ծրագրի (ԳՀՀԾ) վերականգնման վերջնաժամկետների մասին, սակայն այս թեման քննարկում են փակ ձևաչափով։ ԱՄՆ նախագահի ազգային անվտանգության գծով օգնական Ջեյք Սալիվանի խոսքերով, որ մեջբերում է Reuters-ը, մի քանի շաբաթից համաձայնագիրը վերականգնելու հնարավորություն, միգուցե, այլևս չլինի։ «Մենք հրապարակայնորեն չենք նշում կոնկրետ ամսաթիվը, բայց կարող եմ ձեզ ասել, որ փակ դռների հետևում մենք քննարկում ենք ժամկետները, և որ դրանք կարճատև են», – Իսրայել կատարած այցի ժամանակ լրագրողներին ասել է Սալիվանը: Պատասխանելով լրագրողների հստակեցնող հարցին, թե ինչ ժամկետների մասին է խոսքը՝ ԱՄՆ առաջնորդի օգնականը ասել է՝ շաբաթներ։ Հիշեցնենք՝ գործողությունների համատեղ համապարփակ ծրագիրն Իրանի հետ ստորագրվել է 2015 թվականին՝ ՄԱԿ-ի Անվտանգության խորհրդի մշտական «հնգյակի» և Գերմանիայի կողմից միջուկային ծրագրի շուրջ ստեղծված ճգնաժամը հաղթահարելու նպատակով։ ԱՄՆ նախորդ նախագահ Դոնալդ Թրամփը 2018 թվականին որոշում էր կայացրել դուրս գալ ԳՀՀԾ-ից։ Ջո Բայդենը բազմիցս ազդարարել էր Թեհրանի հետ միջուկային գործարքին վերադառնալու իր պատրաստակամության մասին: Տաթև Ֆռանգյան
Related Articles
Փրկարարները մարել են ավտոմեքենայում բռնկված հրդեհը
Փետրվարի 24-ին, ժամը 02:39-ին Ճգնաժամային կառավարման ազգային կենտրոն ահազանգ է ստացվել, որ Երևանի Ծարավ Աղբյուրի փողոցի թիվ 55/34 շենքի մոտակայքում այրվում է ավտոմեքենա: x ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ մեկնել է նշված հասցեով: Փրկարարները Ժամը 02:50-ին մեկուսացրել են, իսկ 03:11-ին՝ մարել հրդեհը: Հրդեհի հետևանքով այրվել են «Mitsubishi GT» մակնիշի […]
ՀՅԴ ցուցարարնեը փորձում են ներխուժել ԿԳՄՍ նախարարություն. Բախում
ԿԳՄՍ նախարար Արայիկ Հարությունյանի հետ հանդիպման ակնկալիքով նախարարության շենքի մոտ հավաքված ՀՅԴ Հայաստանի երիտասարդական միության անդամներն այսօր` դեկտեմբերի 3-ին հայտարարեցին, որ ոստիկանության միջոցով իրենց փոխանցել են, որ նախարարի հետ հանդիպելու համար կա ընթացակարգ։ x «Այդ ընթացակարգով պետք է գնալ, դիմել, հերթագրվել և երբ հերթը գա, եթե նախարարը հարմար գտնի, հանդիպումը տեղի կունենա։
Պարզվում են Սյունիքում թունավորման դեպքերի հանգամանքները
2021թ. մայիսի 9-ից 11-ն ընկած ժամանակահատվածում վարակիչ հիվանդությունների ախտանշաններով «Սիսիանի բժշկական կենտրոն» ՓԲԸ են դիմել Սյունիքի մարզի բնակիչներ: x Ձեռնարկված միջոցառումների արդյունքում պարզվել է, որ համաճարակաբանական հետազոտությունների շրջանակներում հիվանդությունների վերահսկման և կանխարգելման մասնագետները մայիսի 11-ին իրականացրել են բակային հսկողություն: Արդյունքում հայտնաբերվել են աղիքային վարակիչ հիվանդության բնորոշ ախտանշաններ, որի հետևանքով նշված անձանց վիճակը գնահատվել է միջին […]