Հիմա ամեն ինչ հնարավոր է, սակայն ես կասկածում եմ, որ ԵԱՀԿ Մինսկի խումբը կվերակենդանանա: Factor.am-ի հետ զրույցում նման դիտարկում արեց Օքսֆորդի համալսարանի պրոֆեսոր, բրիտանացի վերլուծաբան Նեյլ Մաքֆարլեյնը՝ պատասխանելով հարցին՝ հավանական համարո՞ւմ է, որ մոտ 30 տարի ԼՂ հիմնախնդրի կարգավորմամբ զբաղված ձևաչափը վերսկսի աշխատանքները։ «Չեմ կարծում, որ Մինսկի խումբը կարևոր դերակատարություն ունի այս գործընթացում։ Այն շատ սահմանափակ իրավասություններ ունի՝ զուտ պաշտոններ են, ոչ թե լիարժեք անդամակցություն»,- ասաց նա։ Հարցին՝ ԵԱՀԿ Մինսկի խմբի ձևաչափում որևէ փոփոխության կարիք կա՞, բրիտանացի վերլուծաբանը կարծիք հայտնեց, որ տեսականորեն կարելի է փոփոխություններ առաջարկել՝ հաշվի առնելով ՄԽ-ի՝ 1992 թվականից ի վեր որևէ էական փոփոխություն կատարելու անկարողությունը, բայց կասկածում է, որ հիմնական խաղացողների կողմից կա կամք՝ անհրաժեշտ փոփոխություն կատարելու համար։ «Սա շարունակվում է գրեթե 30 տարի: Հակամարտության կարգավորման հարցում խմբի արդյունավետության վերաբերյալ որևէ ապացույց չկա: Դա պայմանավորված է նրանով, որ հակամարտությունը լուծելի չէ, հնարավոր չէ խնդիրներն առանձնացնել, ուստի դրսի ուժերի համար հեշտ չէ իրական փոփոխություն կատարել: Բացի այդ՝ դրսի հիմնական խաղացողներից շատերն ունեն իրենց սեփական շահերը, և նրանք այս օրերին դժվարանում են «իրար հետ լեզու գտնել»: Այնպես որ՝ քիչ հավանական է, որ նրանք կարողանան համախմբվել կողմերին կարգավորում պարտադրելու շուրջ»,- ասաց նա։ Հռիփսիմե Հովհաննիսյան
Related Articles
Արման Թաթոյանը պատասխանում է լրագրողների հարցերին
Posted on Author admin
Արման Թաթոյանը պատասխանում է լրագրողների հարցերին x
Ես դժգոհ եմ իմ աշխատանքից, տնտեսությունը պետք է զարգացնել ավելի արագ. Վահան Քերոբյան
Posted on Author admin
Ես դժգոհ եմ իմ աշխատանքից, տնտեսությունը պետք է զարգացնել ավելի արագ. Վահան Քերոբյան x
1 մլրդ 200 մլն դրամի հայտ ենք ներկայացրել կառավարություն՝ պետպատվերի համար. Անահիտ Ավանեսյան
Posted on Author admin
1 մլրդ 200 մլն դրամի հայտ ենք ներկայացրել կառավարություն՝ պետպատվերի համար. Անահիտ Ավանեսյան x